Trywanu: Arestio dyn

Prifysgol Glyndwr
Image caption Roedd yr ymosodiadau nos Fawrth ger campws Prifysgol Glyndwr

Mae dyn lleol 20 oed wedi ei arestio wedi i fyfyriwr gael ei drywanu ger campws Prifysgol Glyndwr yn Wrecsam nos Fawrth.

Roedd ymosodiad hefyd ar ddau arall.

Mae myfyriwr yn cael triniaeth yn Ysbyty Wrecsam Maelor a chafodd myfyrwraig fân anafiadau.

Dywedodd y brifysgol a'r heddlu eu bod am roi sicrwydd i'r cyhoedd fod y digwyddiad yn ynysig.

Yn ôl y Prif Arolygydd Neil Maxwell: "Mae'r dyn gafodd ei arestio o ardal Llai.

"Dylai unrhywun â gwybodaeth ffonio'r heddlu ar 101 neu Taclo'r Tacle'n ddienw ar 0800 555111."