Cymru 1-0 Macedonia

Aaron Ramsey
Image caption Aaron Ramsey oedd y capten nos Wener

Mae Cymru wedi curo Macedonia o 1-0 yn rowndiau rhagbrofol Cwpan y Byd.

Yn yr ail hanner fe darodd Cymru'r bar ddwywaith.

Hanner ffordd drwy'r ail hanner curodd Ramsey ei wrthwynebydd cyn pasio i Bellamy greodd gôl i Simon Church. Roedd yn symudiad hyfryd.

Chwe munud cyn y diwedd cafodd Ramsey ei faglu a chafodd gyfle i selio'r fuddugoliaeth ond arbedodd y golgeidwad.

Yn yr hanner cynta' roedd perfformiad Cymru'n addawol ac roedden nhw'n anlwcus i beidio â bod ar y blaen.

Croesodd Ramsey ond llwyddodd Sikov i glirio.

Yn drawiadol

Deng munud wedyn croesodd Bellamy ond llwyddodd Sikov eto i ddelio â'r bygythiad.

Yna pan ergydiodd Simon Church blociodd Sikov y bêl.

Yn sicr, roedd perfformiad Cymru'n drawiadol o gofio cyn lleied o chwaraewyr arferol oedd ar gael.

Roedd 10 o chwaraewyr wedi tynnu eu henwau yn ôl o'r garfan.

Doedd Ben Davies, Sam Ricketts, Adam Matthews, Danny Gabbidon, Jonathan Williams, Joe Allen, Sam Vokes a Joe Ledley ddim yn chwarae.

Emosiynol

Gyda chymaint wedi eu hanafu, roedd Chris Coleman wedi penderfynu bod bachgen 16 oed yn y garfan, Harry Wilson sydd ar lyfrau Lerpwl.

Aaron Ramsey oedd y capten gan fod Ashley Williams wedi ei anafu.

Ar y diwedd roedd yn funud emosiynol i Bellamy oedd yn ei gêm ryngwladol ola' gartre'.

Roedd y rheolwr Chris Coleman yn wên o glust i glust.

Straeon perthnasol