Gwobr gerdd i Georgia Ruth

  • 17 Hydref 2013
Georgia Ruth
Roedd Georgia Ruth ymhlith 11 arall ar y rhestr fer

Albwm cynta' Georgia Ruth, Week of Pines, sy' wedi ennill y Wobr Gerddoriaeth Gymreig.

Daw'r gantores 24 oed o Aberystwyth ac mae'r albwm yn cynnwys caneuon Saesneg a Chymraeg.

Recordiau Gwymon ryddhaodd yr albwm ym Mai.

Roedd y seremoni wobrwyo yng Nghlwb Kuku yng Nghaerdydd.

Dywedodd Prif Weithredwr Sefydliad Cerddoriaeth Gymreig a chydsylfaenydd y wobr John Rostron: "... mae'r wobr yn amserol iawn gan y bydd hi'n cymryd rhan yn Womex fydd yn cyrraedd Cymru yr wythnos nesa'."

Mae'r troellwr a chydsylfaenydd y wobr Huw Stephens wedi dweud: "Hi yw un o hoff artistiaid newydd Cymru oherwydd ei gwaith caled a'i dawn unigryw ...

"Mae ei buddugoliaeth yn haeddiannol iawn."