Cyhuddo dyn o lofruddiaeth

  • 26 Hydref 2013

Mae Heddlu'r De wedi cyhuddo dyn 26 oed o lofruddiaeth yn dilyn marwolaeth dyn yn ardal Tondu, Pen-y-bont ar Ogwr, ddydd Mercher.

Fe gafodd yr heddlu eu galw i eiddo yn Heol yr Ysgol am 7:46pm, gan ddarganfod dyn 50 oed yno'n gorwedd.

Fe'i cludwyd i Ysbyty Tywysoges Cymru lle cofnodwyd ei fod wedi marw.

Cafodd y dyn ei enwi fel Kevin Hier, oedd yn 50 oed.

Mae James Curtis, 26 oed o Ynysawdre, wedi cael ei gyhuddo o lofruddiaeth. Fe fydd yn cael ei gadw yn y ddalfa tan iddo ymddangos gerbron ynadon Pen-y-bont ar Ogwr fore Llun.