Triniaeth feddygol bellach i gapten y Gleision

Matthew Rees Image copyright Huw Evans picture agency
Image caption Mi ymunodd y chwaraewr rygbi gyda'r Gleision ddiwedd tymor diwetha

Mae capten clwb rygbi'r Gleision yn gorfod cael triniaeth feddygol bellach.

Mae hynny yn golygu na fydd Matthew Rees yn dychwelyd i'r clwb am gyfnod. Fis diwethaf mi ddaeth y newyddion ei fod am gael llawdriniaeth ar ei geilliau.

Mi fydd y chwaraewr 32 oed yn derbyn triniaeth bellach yn Ysbyty Felindre yng Nghaerdydd wythnos nesaf.

Mae Matthew Rees wedi ennill 58 cap dros Gymru. Tan yn ddiweddar roedd yn chwarae dros y Scarlets ond mi ymunodd gyda'r Gleision ar ddiwedd y tymor diwethaf.

Mae'r clwb wedi dweud ei bod yn parhau i'w gefnogi ac yn edrych ymlaen at y cyfnod pan fydd o yn dod yn ôl i chwarae rygbi.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.