Gwrthdrawiad: Dyn wedi marw

  • 10 Tachwedd 2013

Mae dyn 71 oed wedi marw yn dilyn gwrthdrawiad rhwng beic modur a bws yn Nant Peris.

Cafodd y dyn ei gludo i'r ysbyty mewn hofrennydd wedi'r gwrthdrawiad ar yr A4086.

Roedd y ffordd ar gau yn y ddau gyfeiriad gyda'r heddlu yn rheoli traffig.

Dywedodd yr heddlu bod y ffordd yn debygol o fod ar gau am weddill y prynhawn.

Dywedodd llefarydd ar ran y Gwasanaeth Ambiwlans: "Cawsom alwad am 12.39yh wedi adroddiadau o wrthdrawiad yn Nant Peris rhwng beic modur a bws."

"Cafodd dyn ei gludo i Ysbyty Gwynedd gydag anafiadau difrifol."

Dywedodd yr heddlu nad oedd y dyn yn lleol, ac maent yn apelio am dystion.