Tri allan: Collison i mewn

Boaz Myhill Image copyright Getty Images
Image caption Mae'r golwr Boaz Myhill yn un o'r tri sydd wedi tynnu nôl

Mae chwaraewr canol cae West Ham, Jack Collison, wedi cael ei alw i mewn i garfan bêl-droed Cymru ar gyfer y gêm gyfeillgar yn erbyn Y Ffindir ddydd Sadwrn.

Daeth yr alwad wedi i dri chwaraewr dynnu nôl o'r garfan oherwydd anafiadau.

Bydd y golwr Boaz Myhill yn absennol oherwydd anafiadau i'w fawd a'i goes, ac mae'r ddeuawd yng nghanol cae - David Vaughan ac Andrew Crofts - wedi gorfod tynnu allan hefyd.

Mae'r anaf yn ergyd arall i Myhill wedi iddo golli ei le yn y tîm ar gyfer y ddwy gêm ddiwethaf yn rowndiau rhagbrofol Cwpan y Byd gyda Wayne Hennessey'n cymryd ei le rhwng y pyst.

Fe fydd yn rhyddhad i Chris Coleman nad yw wedi colli yr un o'r enwau mawr yn y garfan wedi gemau'r penwythnos, ac mae Gareth Bale, Aaron Ramsey ac Ashley Williams ymhlith yr enwau fydd ar gael yng Nghaerdydd ddydd Sadwrn.

Carfan Cymru v. Y Ffindir: Stadiwm Dinas Caerdydd; Tachwedd 16 :-

Golwyr: Wayne Hennessey - Wolverhampton Wanderers (ar fenthyg gyda Yeovil Town), Owain Fôn Williams - Tranmere Rovers.

Amddiffynwyr: James Collins - West Ham United, Ben Davies - Abertawe, Chris Gunter - Reading, Ashley Richards - Abertawe (ar fenthyg gyda Huddersfield Town), Samuel Ricketts - Wolverhampton Wanderers, Neil Taylor - Abertawe, Rhys Wiggins - Charlton Athletic, Ashley Williams - Abertawe.

Canol cae: Joe Allen - Lerpwl, David Cotterill - Doncaster Rovers, Andy King - Leicester City, Joe Ledley - Celtic, Aaron Ramsey - Arsenal, Jack Collison (West Ham United).

Blaenwyr: Gareth Bale - Real Madrid, Simon Church - Charlton Athletic, Jermaine Easter - Millwall, Hal Robson-Kanu - Reading, Sam Vokes - Burnley.

Wrth gefn: Steve Morison - Millwall, Joel Lynch - Huddersfield Town, Harry Wilson - Lerpwl, Shaun MacDonald - AFC Bournemouth, James Wilson - Bristol City (ar fenthyg yn Cheltenham Town), Lloyd Isgrove - Southampton, Owain Tudur Jones - Hibernian

Straeon perthnasol