Casnewydd 3-0 Portsmouth

Clwb Pêl-droed Casnewydd Image copyright Other

Casnewydd 3-0 Portsmouth

Mae Casnewydd wedi cyrraedd yr wyth olaf yn Nhlws y Gynghrair wedi iddyn nhw guro Portsmouth ar Rodney Parade nos Fawrth.

Hon oedd y gêm yn wyth olaf rhanbarth y de yn y gystadleuaeth, ac roedd Casnewydd yn feistri o'r cychwyn.

Dim ond pum munud gymrodd Connor Washington i roi'r tîm cartref ar y blaen.

Mor ddiweddar a phum mlynedd yn ôl roedd Portsmouth yn yr Uwchgynghrair tra bod Casnewydd bum cynghrair gyfan islaw'r lefel yna.

Ond Casnewydd wnaeth ymestyn eu mantais wedi 19 munud wrth i Adedeji Oshilaja sgorio'r ail.

Nid bod tîm Justin Edinburgh wedi gwneud pethau'n hawdd iddyn nhw'u hunain.

Wedi 68 munud roedden nhw i lawr i deg dyn pan welodd David Pipe gerdyn coch am drosedd.

Ond fe lwyddodd y deg i'w gwneud hi'n dair pan sgoriodd Washington am yr eildro gyda saith munud yn weddill.