Ffatri gaws First Milk yn Wrecsam i gau gwanwyn 2014

First Milk
Image caption Bydd 230 o bobl yn colli eu gwaith

Daeth cadarnhad y bydd ffatri gaws First Milk yn Wrecsam yn cau yn ystod gwanwyn y flwyddyn nesa'.

Mae ymgynghoriad gyda staff ac undebau wedi dod i ben ac mae disgwyl i'r safle gau rhwng diwedd mis Mawrth a mis Mai 2014.

Bydd yn golygu fod 230 o bobl yn colli eu gwaith.

Mae First Milk yn dweud eu bod yn dal i gynnal trafodaethau gyda'r cwmni pecynnu caws, Arla, yng Nghroesoswallt ynglŷn â'r posibilrwydd o gyflogi rhai o'r gweithwyr.

Daeth y penderfyniad i gau'r ffatri wedi i First Milk golli cytundeb mawr gydag archfarchnad Asda.

Mae'r cytundeb wedi mynd i Arla, o Ddenmarc.

Straeon perthnasol