Trafodaethau rhwng clwb Abertawe a Tom Ince

Tom Ince Image copyright Getty Images
Image caption Mae Ince wedi chwarae 12 o weithiau ar gyfer tîm o dan 21 Lloegr

Mae Abertawe mewn trafodaethau gydag asgellwr Blackpool, Tom Ince er mwyn ei arwyddo i chwarae i'r clwb.

Mae Ince hefyd wedi ei gysylltu gyda chlwb Monaco yn Ffrainc ers iddo gael cynnig cytundeb newydd gyda Blackpool ym mis Rhagfyr.

Roedd na ddisgwyl i Ince, sydd yn fab i'r cyn chwaraewr Paul Ince, ymuno gyda Chaerdydd yn ystod haf 2013. Ond mi benderfynodd y dyn 21 oed i beidio symud ar ôl iddo ddod yn dad.

Mi gychwynodd Ince ei yrfa gyda thîm o dan 21 Lloegr a Lerpwl oedd ei dîm cyntaf. Fe ymunodd wedyn gyda Blackpool ym mis Awst 2011.

Mae wedi sgorio 33 o goliau mewn 111 o gemau. Y tymor yma mae o wedi sgorio saith gwaith mewn 23 o gemau.

Ond dyw Blackpool sydd yn 12fed yn yr uwch gynghrair ddim wedi cael llawer o lwyddiant yn ddiweddar, gan golli'r wyth gêm ddiwethaf.

Straeon perthnasol