Seiclo: Thomas yn chweched

Geraint Thomas Image copyright Huw Evans picture agency
Image caption Roedd Geraint Thomas yn 11eg wedi'r cymal cyntaf

Mae Geraint Thomas wedi codi i'r chweched safle yn dilyn trydydd cymal ras feicio'r Tour Down Under yn Awstralia.

Cadel Evans o Awstralia gafodd y diwrnod orau ar y cymal o Norwood i Campbelltown. Fe groesodd y llinell derfyn ar ei ben ei hun gan ei roi ar frig y tabl yn y ras gyfan hefyd.

Nathan Haas a Diego Ulissi oedd yn arwain y grŵp nesaf i orffen 15 eiliad y tu ôl i Evans, ac roedd Thomas yn y grŵp yna.

Mae Simon Gerrans - fu ar y blaen am ddau ddiwrnod cyntaf y ras - bellach yn ail gydag Ulissi yn drydydd a Haas yn bedwerydd.

Mae Thomas wedi codi pedwar safle i chweched - 29 eiliad y tu ôl i Evans gyda thri chymal o'r ras yn weddill.

Bydd y pedwerydd cymal ddydd Gwener yn teithio'r 148.5km o Unley i Victor Harbor.

Straeon perthnasol