Michaela Breeze yn torri record Prydain am godi pwysau

Michaela Breeze in action at the Melbourne Commonwealth Games in 2006 Image copyright Getty Images
Image caption Michaela Breeze yn ennill medal aur yn Gemau'r Gymanwlad yn 2006 yn Melbourne

Mae'r codwr pwysau Michaela Breeze wedi cyrraedd y safon i gystadlu yn Gemau'r Gymanwlad yn Glasgow ym mis Gorffennaf.

Wrth wneud fe dorrodd record Prydain trwy godi 93kg yn y gystadleuaeth cipiad (snatch) ym Mhencampwriaeth Cymru yng Nghaerdydd.

Roedd Breeze, a enillodd fedal aur yn y Gemau yn 2002 a 2006, wedi ymddeol tan iddi gyhoeddi ym mis Rhagfyr y llynedd ei bod wedi ailfeddwl.

Hi oedd capten tîm Cymru yn Gemau'r Gymanwlad yn Delhi bedair blynedd yn ôl, ac enillodd fedal arian yn y categori 63kg.

Mae dwy arall - Stephanie Owens a Christie Williams - hefyd wedi cyrraedd y safon am eu categorïau ar gyfer Glasgow.

Dywedodd cyfarwyddwr perfformio Cymru Simon Roach ei fod wrth ei fodd.

"Eisoes mae gennym fwy o gystadleuwyr yn cyrraedd y safon A nad oedd gennym yn Gemau'r Gymanwlad yn y gorffennol," meddai.

"Mae Michaela yn gwella y gyda phob cystadleuaeth ac mae record Prydain arall yn orchest anhygoel."

Straeon perthnasol