Cadw Cymru'n Daclus yn derbyn dros £1m gan y Llywodraeth

Cadw Cymru'n Daclus
Image caption Gwirfoddolwyr yn pigo ysbwriel

Mae Llywodraeth Cymru wedi cyhoeddi eu bod yn rhoi £1m i Cadw Cymru'n Daclus, er mwyn gwella ansawdd yr amgylchedd a gwneud Cymru'n lle gwell i fyw.

Bydd y cyllid o £1,090,000 yn helpu cefnogi eu prosiect "Trefi Taclus," sydd yn helpu cymunedau i wella eu hardal leol, a thaclo problemau fel fandaliaeth, sbwriel a thipio anghyfreithlon.

Yn ogystal mae cadw Cymru'n Daclus yn rhoi cyngor i'r llywodraeth ar bolisïau am yr amgylchedd.

Cyfleoedd hyfforddi

Meddai John Griffiths, gweinidog Adnoddau Naturiol, Diwylliant a Chwaraeon Cymru: "Mae'r bwysig ein bod yn teimlo balchder yn yr ardaloedd lle rydym yn byw.

"Dwi'n edrych ymlaen at weld sut bydd yr arian yma yn cael ei ddefnyddio i daclo problemau a gwella'r amgylchedd ar hyd Cymru."

Meddai Lesley Jones, prif weithredwr Cadw Cymru'r Daclus: "Mae'r gefnogaeth yn golygu gallwn roi cyfleoedd hyfforddi a gwirfoddoli trwy nifer o weithgareddau fydd yn gallu gwneud gwahaniaeth i fywydau pobl."

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.