Morgannwg yn curo Surrey

Michael Hogan Image copyright Getty Images
Image caption Fe gipiodd Michael Hogan bedair wiced yn ail fatiad Surrey

Mae Morgannwg wedi ennill eu gêm agoriadol ym Mhencampwriaeth y Siroedd yn erbyn Surrey o ddeg wiced.

Dyma'r tro cyntaf ers 1998 i'r sir o Gymru ennill eu gêm agoriadol.

Ar ôl bowlio Surrey allan am 81 yn eu hail fatiad nhw, roedd angen 153 ar yr ymwelwyr i sicrhau'r fuddugoliaeth.

Llwyddodd Gareth Rees (75) a Will Bragg (72) i gyrraedd y nod yn gymharol hawdd cyn amser te ar y pedwerydd diwrnod.

Arwyr bowlio Morgannwg oedd Graham Wagg a Michael Hogan wrth i Wagg gipio chwe wiced a Hogan pedair yn ail fatiad Surrey.

Gêm nesaf Morgannwg fydd eu hymddangosiad cyntaf yn Stadiwm Swalec y tymor hwn wrth i Sir Gaerloyw ymweld â Chaerdydd ar Ebrill 20.

Surrey v. Morgannwg; Yr Oval; Sgor terfynol :-

Surrey -

(batiad cyntaf) = 280

(ail fatiad) = 81

Morgannwg -

(batiad cyntaf) = 209

(ail fatiad) = 156 heb golli

Morgannwg yn fuddugol o 10 wiced.

Straeon perthnasol