Dyn 45 oed yn gwadu twyllo clwb rygbi Tycroes

Tycroes Rugby Club Image copyright BBC news grab
Image caption Mae Marvin Middlecoate yn gwadu twyllo clwb rygbi Tycroes ger Rhydaman

Mae dyn 45 oed wedi ymddangos yn y llys a phledio'n ddi-euog i gyhuddiad o dwyll.

Gwadodd Marvin Middlecoate ei fod wedi twyllo clwb rygbi Tycroes ger Rhydaman a chymryd £7,050 o'i arian.

Yr honiad ydy ei fod wedi addo y byddai'r gantores Alexandra Burke yn perfformio yng ngŵyl flynyddol y clwb ond wnaeth hynny ddim digwydd.

Roedd y gantores, un o gystadleuwyr The X Factor, wedi dweud nad oedd hi wedi cael gwybod am y cais i ganu ac nad oedd hi na'r bobl sydd yn ei chynrychioli wedi derbyn unrhyw arian.

Mae Mr Middlecoate o Gaint wedi ei gadw yn y ddalfa ac mae disgwyl i'r achos ddechrau ym mis Medi.