Dyn wedi marw yn dilyn damwain ar Ynys Môn

Mae dyn yn ei 20au wedi marw yn yr ysbyty o anafiadau i'w ben wedi damwain ar Ynys Môn.

Digwyddodd y ddamwain ar ffordd gefn rhwng Llanfaelog a Bryngwran tua 5yh ddydd Llun, Ebrill 14.

Roedd yn un o ddau deithiwr mewn Ford Transit gwyn, yr unig gerbyd yn y ddamwain.

Mae plismyn yn awyddus i siarad â dyn a menyw oedd yn cerdded ar hyd y ffordd ar y pryd ac a gynigiodd helpu.

Dylai unrhywun â gwybodaeth ffonio'r heddlu ar 101, gan ddyfynnu'r cyfeirnod R054946.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.