Trafod dyfodol Coleg Diwinyddol Mihangel Sant

Coleg Diwynyddol Mihangel Sant Image copyright Wikipedia
Image caption Mae trafodaeth dros ddyfodol Coleg Diwinyddol Mihangel Sant

Mae yna argymhelliad y dylid cau Coleg Diwinyddol Mihangel Sant yng Nghaerdydd, sefydliad sydd wedi bod yn hyfforddi offeriaid ers 1892.

Y coleg yw'r unig goleg preswyl llawn amser yng Nghymru ar gyfer hyfforddi offeriaid.

Y llynedd fe wnaeth yr Eglwys yng Nghymru gomisiynu tîm i wneud argymhellion ynghylch sut i ddarparu'r hyfforddiant gorau ar gyfer y dyfodol.

Cafodd yr argymhellion eu cyflwyno i Fainc yr Esgobion ym mis Mawrth.

Ers hynny bu ymgynghori o fewn yr eglwys ac yn allanol.

Dywed adroddiad y dylai cyrsiau preswyl llawn amser yng Ngholeg Mihangel Sant yn Llandaf ddirwyn i ben yn 2016.

Hyd yn oed os bydd Coleg Diwinyddol Mihangel Sant yn cau fe fydd myfyrwyr presennol y coleg sy'n dilyn cyrsiau gradd neu ôl-radd yn gallu cwblhau eu hastudiaethau yno.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.