Dominic Dale yn wyth olaf Pencampwriaeth Snwcer

Dominic Dale

Mae'r Cymro Dominic Dale wedi cyrraedd rownd yr wyth olaf ym Mhencampwriaeth Snwcer y Byd wedi iddo guro Michael Wasley brynhawn Llun.

Roedd ond angen ennill un ffrâm ddydd Llun wrth iddo orffen y sesiwn flaenorol 12-4 ar y blaen.

Yn y Crucible yn Sheffield llwyddodd Dale i ennill y ffrâm olaf o 64-42.

Dyma'r tro cyntaf yn ei yrfa i Dale gyrraedd rownd yr wyth olaf mewn cystadleuaeth fawr.

Bydd yn wynebu Barry Hawkins yn y rownd nesaf ddydd Mawrth.

Doedd dim stori gystal i'r Cymro arall yn yr ail rownd.

Fe gollodd Ryan Day i un o'r ffefrynnau, Judd Trump, o 13-7.

Straeon perthnasol