Abertawe 0 - 1 Southampton

Abertawe 0 - 1 Southampton Image copyright Getty Images

Fe wnaeth ymosodwr Lloegr, Rickie Lambert sgorio gôl hwyr yn Stadiwm y Liberty i sicrhau buddugoliaeth ddramatig i Southampton yn erbyn Abertawe ddydd Sadwrn.

Daeth y gôl yn y drydedd funud o amser ychwanegol, mewn gem di fflach.

Daeth y gôl wedi i gapten yr Elyrch, Ashley Williams geisio clirio'r bel yn ei gwrt cosbi ei hun.

Aeth y bel yn uchel dros ben y gôl-geidwad Michel Vorm, ac i mewn i'r rhwyd oddi ar gefn Lambert.

Roedd y ddau dîm wedi methu cymryd mantais o'r cyfleoedd y cawson nhw, wrth i'r timoedd agosáu at ddiwedd y tymor heb unrhyw darged mawr i anelu ato.

Abertawe aeth yn agos yn gyntaf, wrth i Artur Boruc arbed ergyd Pablo Hernandez yn gynnar, a peniodd Wilfried Bony heibio'r postyn yn fuan wedyn.

Daeth Southampton i mewn i'r gêm yn raddol, a dylai Morgan Schneiderlin wedi gwneud yn well gyda'i beniad yn agos at y gol.

Dechreuodd y Saints reoli'r chwarae, ond doedden nhw dal methu creu cyfleoedd clir o flaen y rhwyd.

Daeth Lambert i'r cae gyda hanner awr yn weddill, ac roedd yn y lle iawn yn y diwedd i sicrhau gôl ffodus i'r ymwelwyr.

Straeon perthnasol