Dyn yn yr ysbyty wedi 'ffrwydrad'

Dolgellau
Image caption Cafodd injân dân ei galw i'r digwyddiad ddydd Sul

Mae dyn yn ei ugeiniau wedi cael ei gludo i'r ysbyty mewn hofrennydd o Ddolgellau.

Roedd hyn yn dilyn adroddiadau bod ffrwydrad wedi digwydd mewn tŷ yn y dref.

Credir fod y dyn wedi dioddef anafiadau i'w goes, ond dywedodd Heddlu'r Gogledd nad oedd yr anafiadau yn peryglu ei fywyd.

Fe wnaeth criwiau o'r heddlu, y gwasanaeth tân a pharafeddygon ymweld â'r safle ar ôl cael eu galw am tua 6:25yh ddydd Sul.

Mae Heddlu'r Gogledd yn parhau i ymchwilio i'r digwyddiad.