Rhybudd am dywydd mawr

glaw Image copyright AFP

Mae'r Swyddfa Dywydd wedi cyhoeddi rhybudd am dywydd gwael mewn rhannau o Gymru ddydd Iau.

Bydd y rhybudd yn weithredol o 03:00 fore Iau tan 19:00 gyda'r nos, ac ar gyfer ardaloedd o dde-ddwyrain a chanolbarth y wlad.

Dywed y Swyddfa Dywydd: "Mae disgwyl i fand o law trwm symud ar draws de-orllewin y DU yn ystod bore Iau. Bydd cawodydd trwm gyda pheth stormydd mellt a tharanau yn ymledu i ardaloedd eraill yn ystod y prynhawn.

"Dylai'r cyhoedd fod yn ymwybodol bod risg o lifogydd ar rai ffyrdd."

Yr ardaloedd sydd o dan fygythiad yw :-

  • Blaenau Gwent;
  • Pen-y-bont ar Ogwr;
  • Caerffili;
  • Caerdydd;
  • Merthyr Tudful;
  • Sir Fynwy;
  • Castell-nedd Port Talbot;
  • Casnewydd;
  • Sir Benfro;
  • Sir Gaerfyrddin;
  • Powys;
  • Rhondda Cynon Taf;
  • Abertawe;
  • Torfaen;
  • Bro Morgannwg.

Fe ychwanegodd y Swyddfa Dywydd y gallai rhannau o'r wlad weld cymaint â 40mm o law mewn mannau.

Fe ddaw union lwybr y ffrynt yn fwy amlwg yn ddiweddarach, ac fe ddywedodd y Swyddfa Dywydd y byddan nhw'n diweddaru'r rhybudd yn nes ymlaen brynhawn Mercher.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.