Cytundeb i brynu ffatri gan ddiogelu swyddi yn Y Fflint

Creative Foods - Lasagne
Image caption Mae Creative Foods, sy'n gwneud prydau megis lasagne, wedi dod i gytundeb gyda cwmni David Woods Baking i'w brynu.

Mae dros 140 o swyddi wedi cael eu diogelu yn Y Fflint wedi i gwmni prydau parod, Creative Foods, ddod i gytundeb gyda David Wood Bakers i werthu'r safle.

Unwaith bydd y gwerthiant yn cael ei gadarnhau, bydd 142 o weithwyr Creative Foods sy'n rhan o gwmni Brakes Group, yn cael eu trosglwyddo i weithio i David Woods Baking.

Yn awr bydd gweithwyr Creative Foods yn mynd i mewn i gyfnod o ymgynghori swyddogol, Diogelu Cyflogaeth wrth Drosglwyddo Cyfrifoldebau (TUPE) i newid cyflogwyr.

'Newyddion gwych'

Meddai Ranald Forbes, cyfarwyddwr rhanbarthol Brakes : "Mae hyn yn amlwg yn newyddion gwych ar gyfer ein gweithwyr ac rydym yn hynod falch ein bod wedi gallu dod o hyd i brynwr addas a fydd yn cadw'r ffatri.

"Mae hi wedi bod yn gyfnod anodd ac ansefydlog iawn i'n cydweithwyr yn Y Fflint, ond hoffem ddiolch iddynt am y ffordd y maent wedi parhau i ddangos eu hymroddiad yn ystod y broses ymgynghori.

"Rydym yn edrych ymlaen at ddod â hyn i ben yn llwyddiannus ym mis Mehefin. "

Meddai David Wood, rheolwr gyfarwyddwr David Wood Baking: "Rydym yn falch iawn ein bod yn prynu Creative Foods.

"Rwyf yn gobeithio sicrhau dyfodol tymor hir y ffatri, gan weithio gyda chwsmeriaid a gweithwyr yn ogystal â Llywodraeth Cymru a Chyngor Sir y Fflint i sicrhau bod hyn yn digwydd."

'Ymdrech'

Meddai AS Delyn, David Hanson: "Mae hyn yn ganlyniad o ymdrech fawr gan nifer o bobl i gyrraedd y cytundeb. Rwy'n gobeithio yn awr y gall y busnes yn mynd o nerth i nerth. "

Ychwanegodd cynghorydd Aaron Shotton, arweinydd Cyngor Sir Y Fflint: "Byddwn yn gwneud popeth o fewn ein gallu i sicrhau bod y trafodaethau yn cael eu dwyn i ben yn llwyddiannus."

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.