Damwain ddifrifol ar yr A44 ger Aberystwyth

Scene of the collision on the A44
Image caption Y gwasanaethau brys wrth safle'r ddamwain

Mae'r A44 wedi cael ei chau rhwng Llangurig a Phonterwyd oherwydd damwain ddifrifol, yn ôl yr heddlu.

Cafodd y gwasanaeth tân eu galw toc wedi 15:00 a chafodd dwy injan dân eu hanfon. Wedyn cyrhaeddodd ambiwlansys ac ambiwlansys awyr.

Roedd gwrthdrawiad rhwng car, fan a thancer tanwydd.

Mae disgwyl i'r ffordd fod ar gau am gyfnod, o bosib trwy'r nos. Ar hyn o bryd does dim manylion am unrhyw anafiadau.

Dywedodd Eluned Thomas o fferm Eisteddfa Gurig tua dwy filltir o'r ddamwain: "Daeth menyw yma i ofyn a allai hi ddefnyddio'r ffôn.

"Dywedodd hi fod tancer yn dod lan o Langurig a bod car wedi ei daro'n syth.

"Roedd gyrrwr y tancer yn dweud nad oedd yn gallu osgoi'r car. Dwi'n meddwl walle fod cerbyd arall yn rhan o'r ddamwain."