Galw gwasanaethau brys i ddamwain gleider yn Llangollen

Mae Gwasanaeth Tan ac Achub Gogledd Cymru yn dweud bod gleider wedi taro i mewn i goeden yn Llangollen.

Cafodd criwiau o Langollen, Wrecsam a'r Waun eu galw i'r digwyddiad yn maes awyr y dref.

Dywedodd criwiau bod y dyn wedi llwyddo i ddod i lawr o'r goeden ar ben ei hun, a bod meddygon wedi cynnal profion.

Nid yw'r dyn wedi mynd i'r ysbyty.

Cafodd y gwasanaethau brys eu galw am tua 19:40 ond maen nhw wedi gadael y safle erbyn hyn.