Teyrnged i Liam Wood fu farw ym Mhrifysgol Aberystwyth

Prifysgol Aberystwyth
Image caption Cafodd corff Mr Wood ei ddarganfod ar gampws y brifysgol ddydd Llun

Mae teyrnged wedi'i roi i un o borthorion Prifysgol Aberystwyth, Liam Wood, cafodd ei ddarganfod yn farw ar y campws.

Roedd Mr Wood, oedd yn ei 20au, wedi bod yn gweithio yng Nghanolfan Celfyddydau Aberystwyth ers blwyddyn.

Dywedodd llefarydd ar ran y brifysgol ei fod yn "aelod gwerthfawr a phoblogaidd o'r tîm".

Cafodd ymchwiliad ei lansio gan Heddlu Dyfed Powys ar ôl i gorff Mr Wood gael ei ddarganfod am tua 19:00 ddydd Llun.

Mae ei farwolaeth yn cael ei drin fel un heb ei esbonio.

Mewn datganiad, dywedodd y brifysgol: "Mae ein cydymdeimlad gyda'i deulu a rheiny fuodd yn gweithio yn agos gydag o."

Straeon perthnasol