Yr heddlu yn dod o hyd i blanhigion canabis ar ôl tân

Dywed yr heddlu yn ardal Wrecsam eu bod nhw'n credu iddyn nhw ddarganfod ffatri ganabis yn dilyn tân mewn tŷ yn Rhosllannerchrugog.

Mae'n debyg fod y tân wedi cychwyn yn nho'r adeilad yn Stryt y Farchnad, ychydig cyn 06:00 ddydd Mercher.

Fe wnaeth y fflamau ledu i dai cyfagos a bu criwiau wrthi tan tua 09:00 yn ceisio eu rheoli.

Daeth swyddogion o hyd i nifer o blanhigion canabis yn dilyn y tân.

Ni chafodd unrhyw un ei anafu ond bu'n rhaid i nifer o bobl adael eu cartrefi.

Mae'r heddlu a'r frigâd dân wedi lansio ymchwiliad ar y cyd ar ôl darganfod y planhigion canabis.

Dylai unrhyw un ag unrhyw wybodaeth am y planhigion gysylltu â Heddlu Gogledd Cymru.

Image copyright David Thomas Jones
Image caption Cafodd y criwiau eu galw i Stryt y Farchnad ddydd Mercher
Image copyright David Thomas Jones
Image copyright David Thomas Jones
Image copyright David Thomas Jones

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.