Damwain farwol ar yr A466

Bu farw dynes oedrannus ac anafwyd pump o bobl ar ôl gwrthdrawiad rhwng dau gar ar yr A466 yn sir Fynwy.

Yn ôl yr heddlu, bu Ford Fiesta glas a Opel Manta llwyd mewn gwrthdrawiad yn ardal Tyndyrn ychydig cyn hanner dydd.

Roedd y ddynes a fu farw yn teithio yng nghefn y Fiesta.

Mae gyrrwr y Manta mewn cyflwr difrifol ac gan y pedwar eraill anafiadau i'r gwddf a choesau.

Mae Heddlu Gwent yn apelio am dystion.

Aed â'r rhai a anafwyd i Ysbyty Southmead ym Mryste.

Roedd y Fiesta yn teithio i'r de i gyfeiriad Cas-gwent tra bod yr Opel yn teithio i'r gogledd i gyfeiriad Trefynwy.

Mae'r A466 ar gau tra bod yr heddlu yn symud y ddau gar.

Gall tystion gysylltu â'r heddlu ar 101.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.