Dirwyo capten llong am lywio dan ddylanwad alcohol

Milford Haven Port (generic) Image copyright Milford Haven Port Authority

Cafodd capten llong o Sir Benfro ddirwy o £650 a gorchymyn i dalu costau o £497 am lywio ei gwch tra dan ddylanwad alcohol.

Plediodd David Hughes o Arberth yn euog i lywio ei gwch yn ardal porthladd Aberdaugleddau tra'n feddw.

Clywodd Ynadon Hwlffordd fod Hughes wedi bod yn hwylio'r gwch pŵer 24 troedfedd o hyd yng nghwmni ffrindiau ac un plentyn.

Ar ôl yr achos dywedodd harbwr feistr y porthladd Bill Hirst: "Mae hwn yn achos i atgoffa pawb sy'n defnyddio'r dyfroedd i fod yn gyfrifol.

"Mae'n rhaid i unrhyw un sydd dan ddylanwad alcohol ddeall y perygl y maen nhw'n gallu achosi i nhw eu hunain ac i eraill."