Solskjær yn 'debygol' o adael Caerdydd

Ole Gunnar Solskjaer Image copyright Getty Images
Image caption Mae Solskjær yn cyfarfod â swyddogion y clwb er mwyn trafod ei ddyfodol

Dywed adran chwaraeon BBC Cymru fod rheolwr Caerdydd Ole Gunnar Solskjær yn cwrdd â swyddogion y clwb er mwyn trafod ei ddyfodol.

Mae BBC Cymru yn deall bod y rheolwr yn debygol o adael ei swydd ddydd Mercher.

Mae'r rheolwr dan bwysau ar ôl i Gaerdydd golli dwy gêm gartref yn olynol, a dydyn nhw heb ennill mewn pedwar gêm.

Fe gafodd Solskjær ei benodi yn rheolwr ym mis Ionawr ar ôl i'r perchennog ddiswyddo Malky Mackay.

Nos Fawrth fe gollodd y clwb i Middlesbrough, a hynny ar ôl iddynt golli i Norwich yn Stadiwm Dinas Caerdydd.

Maen nhw yn safle 17 allan o 24 yn y Bencampwriaeth.