Cludo dynes i'r ysbyty mewn hofrennydd

Pen y Gogarth, Llandudno Image copyright Steve Daniels

Cafodd dynes ei chludo i'r ysbyty mewn hofrennydd wedi iddi ddisgyn ar Ben y Gogarth, Llandudno.

Syrthiodd y ddynes 61 oed nos Wener a galwyd tîm achub mynydd Dyffryn Ogwen a gwylwyr y glannau i'w chynorthwyo.

Roedd y gerddwraig wedi anafu ei hysgwydd a bu'n rhaid i hofrennydd yr Awyrlu o'r Fali ei chludo i'r ysbyty.

Mae'r ddynes wedi derbyn triniaeth yn Ysbyty Gwynedd, Bangor.