Stoke 2-1 Abertawe

Wilfried Bony Image copyright Getty Images

Colli oedd hanes Abertawe yn Stadiwm Britannia yn yr Uwchgynghrair bnawn Sul.

Wedi iddyn nhw bwyso gydol yr hanner gyntaf, fe sgoriodd Wilfried Bony o'r smotyn wedi i Ryan Shawcross ei faglu yn y cwrt cosbi.

Cic o'r smotyn oedd gôl nesa'r gêm, hefyd - Charlie Adam yn ei gwneud hi'n gyfartal wedi i'r dyfarnwr gosbi Angel Rangel am ffowlio Victor Moses.

Yna, daeth Jonathan Walters oddi ar y fainc, a phenio croesiad Oussama Assaidi i gefn y rhwyd.

Wedi'r gêm, mae Abertawe'n syrthio i'r wythfed safle yn yr Uwchgynghrair.