Abertawe 2-0 Caerlŷr

Swansea v Leicester Image copyright Getty Images

Wilfried Bony sgoriodd y ddwy gol i Abertawe, gan sicrhau buddugoliaeth gyntaf i'r Elyrch mewn pum gem.

Mae'r canlyniad yn gweld Abertawe yn dringo i'r chweched safle yn yr Uwchgynghrair.

Daeth gol gyntaf Bony ar ôl cyd-chwarae hyfryd gyda Gylfi Sigurdsson, ergyd y dyn o'r Ivory Coast yn curo Kasper Schmeichel.

Yna, wedi 56 munud roedd hi'n 2-0, wrth i'r ymosodwr 25 oed fanteisio ar groesiad Jefferson Montero.

Fe wnaeth Jonjo Shelvey daro'r bar, a dyna hefyd oedd hanes ergyd Esteban Cambiasso o Gaerlŷr yn hwyr yn y gem.