Cludo cerddwr i'r ysbyty mewn hofrennydd

Tryfan Image copyright Terry Hughes
Image caption Roedd y dyn 58 oed wedi bod yn cerdded ar Tryfan ddydd Sadwrn.

Mae cerddwr wedi'i gludo i'r ysbyty mewn hofrennydd wedi iddo ddisgyn 75 troedfedd yn Eryri.

Roedd y dyn 58 oed wedi bod yn cerdded ar Tryfan pan ddisgynodd gan anafu ei gefn, ddydd Sadwrn.

Cafodd ei gludo i Ysbyty Gwynedd, Bangor gan hofrennydd yr Awyrlu o'r Fali.

Yn ogystal derbyniodd gymorth gan dîm achub mynydd Dyffryn Ogwen.