Drama newydd am fywyd y chwaraewr rygbi Gareth Thomas

Alfie
Image caption Mae'r ddrama yn "bortread gonest ac emosiynol", yn ôl y cyn-gapten

Fe fydd drama am fywyd seren rygbi Cymru, Gareth Thomas yn agor ddydd Iau.

Mae'r cynhyrchiad National Theatre Wales, "Crouch, Touch, Pause, Engage" yn adrodd hanes y cyn-gapten 'Alfie', enillodd 100 o gapiau dros Gymru cyn iddo gyhoeddi ei fod yn hoyw.

Dywedodd wrth ohebydd celfyddydau a'r cyfryngau BBC Cymru, Huw Thomas, ei fod yn "bortread gonest ac emosiynol" - yn ogystal â bod am ei dref enedigol, Pen-y-bont ar Ogwr.

Mae'r ddrama yn agor yn Theatr y Sherman yng Nghaerdydd ac yn rhedeg tan 7 Mawrth cyn mynd ar daith i Aberystwyth, Bethesda, Aberdâr a Phen-y-bont ar Ogwr.