Cwest yn cael ei agor i farwolaethau Caerfaddon

Victims of Bath tipper truck crash
Image caption O'r chwith : Mitzi Steady, Phil Allen, Stephen Vaughan a Robert Parker

Mae cwest wedi ei agor a'i ohirio i farwolaethau pedwar o bobl gafodd eu lladd ar ôl gwrthdrawiad gyda lori 30 tunnell yng Nghaerfaddon.

Bu farw Phil Allen, 52 oed, a Stephen Vaughan, 34 oed, y ddau o Abertawe a Robert Parker, 59, o Gwmbrân yn y ddamwain ar Chwefror 9.

Cafodd merch bedair oed, Mitzi Steady o Gaerfaddon hefyd ei lladd.

Roedd y tri dyn yn teithio mewn tacsi, tra bod Mitzi yn cerdded gyda'i nain.

Mae dau ddyn wedi eu harestio ac wedi eu rhyddhau ar fechnïaeth.

Image copyright Getty Images
Image caption Digwyddodd y ddamwain yng Nghaerfaddon

Cafodd dyn 19 oed ei arestio ar amheuaeth o achosi marwolaeth drwy yrru'n beryglus.

Dywedodd yr heddlu fod y dyn 19 oed a dyn 28 oed wedi eu harestio ar amheuaeth o ddynladdiad drwy esgeulustod dybryd.