Dirgelwch gweddillion yn parhau

Priscilla Berry Image copyright North wales police
Image caption Does neb wedi gweld Priscilla Berry ers 1978

Mae profion ar weddillion corff cafodd ei ddatgladdu yn Sir Conwy wedi methu a datrys dirgelwch dynes wnaeth ddiflannu o'i chartref ym Mochdre yn 1978.

Roedd yr heddlu wedi gobeithio y byddai'r profion yn canfod mai gweddillion Priscilla Berry, 39 oed, oedd yn y bedd ym mynwent Llangwstenin, ger Bae Colwyn.

Cafodd y gweddillion eu datgladdu ar Ionawr 13.

Dywedodd y ditectif Don Kenyon, sy'n arwain yr ymchwiliad: "Fe lwyddodd arbenigwyr i gael digon o samplau DNA gan aelodau o deulu Mrs Berry, ac yn anffodus mae'r canlyniadau yn dangos nad gweddillion Mrs Berry oedd yn y bedd."

Fe fydd y gweddillion yn cael eu hail gladdu am 9.30am ar Fawrth 4, a hynny'n dilyn gwasanaeth byr ar lan y bedd.

Dywedodd aelod o'r teulu sydd yn byw yng ngogledd Crymu:

"Rydym yn gobeithio y bydd y wasg a'r cyhoedd yn deall ar ôl 37 o flynyddoedd nid ydym am ailgodi neu ail-fyw digwyddiadau trist y gorffennol. Mae'n bosib na chawn byth wybod beth ddigwyddo i fam a gwraig cariadus."

Straeon perthnasol