Car yn taro dyn ym Mhen Llŷn

Y Bryncynan Image copyright Google
Image caption Cafodd y dyn ei daro gan gar Rodius arian ger tafarn Y Bryncynan ym Morfa Nefyn

Mae dyn yn ei 20au wedi ei anafu'n ddifrifol ar ôl i gar ei daro ym Mhen Llŷn yn oriau cynnar dydd Llun.

Cafodd y dyn ei daro gan gar Rodius arian ger tafarn Y Bryncynan ym Morfa Nefyn.

Ychydig cyn 03:00 cafodd yr heddlu eu galw.

Mae'r heddlu yn apelio i unrhyw dystion eu ffonio ar 101 a dyfynnu cyfeirnod S047839.