Lido Afan newydd i fod yn barod erbyn y Nadolig

Afan Lido Image copyright Cyngor Castell-nedd Port Talbot
Image caption Gwaith ar yr Afan Lido newydd, wedi dymchwel yr hen un yn 2011

Mae cyfleusterau chwaraeon gwerth £13.4m ym Mhort Talbot yn debyg o fod yn barod i'r cyhoedd erbyn "o gwmpas amser y Nadolig y flwyddyn yma", yn ôl swyddogion.

Cafodd Lido Afan ei ddinistrio gan dân yn 2009 a'i ddymchwel yn 2011.

Yn ôl Cyngor Bwrdeistref Castell-nedd Port Talbot, mae'r gwaith ar amser ac mae'r gwaith concrit ar y ddau bwll wedi ei gwblhau.

Dywedodd Gareth Nutt, cyfarwyddwr yr amgylchedd y cyngor: "Mae'r cyngor yn hapus gyda datblygiad y gwaith hyd yn hyn.

"Gyda'r to trawiadol yn ei le mae'n bosib nawr i bobl weld sut fydd yr effaith o don yn edrych wedi iddo gael ei orffen."

Cafodd y Lido Afan gwreiddiol ei agor gan y Frenhines yn 1965, ac yn ei ddyddiau cynnar cafodd gyngherddau gan Spencer Davis Group a Pink Floyd eu cynnal yno, ac yn fwy diweddar, Coldplay a McFly.

Image copyright Cyngor Castell-nedd Port Talbot
Image caption Dywedodd y cyngor bod y gwaith yn debyg o gael ei orffen ar amser
Image copyright Cyngor Castell-nedd Port Talbot
Image caption Dan do newydd, mae'r gwaith concrit ar y ddau bwll wedi ei gwblhau

Straeon perthnasol