Caerdydd yn gwrth-hawlio yn erbyn ei gredydwyr

Sam Hammam a Vincent Tan Image copyright Huw Evans picture agency
Image caption Arlywydd am oes Caerdydd Sam Hammam gyda'r perchennog presennol Vincent Tan

Mae clwb pêl-droed Caerdydd wedi cynyddu ei frwydr gyfreithiol gyda'u cyn-berchennog Sam Hammam a chredydwyr Langston.

Ym mis Chwefror, fe wnaeth Hammam gadarnhau bod Vincent Tan a'r clwb yn cael eu herlyn am bron i £6m oedd yn ddyledus i Langston.

Ond mae'r clwb nawr wedi cyflwyno gwrth-hawliad yn erbyn Hammam a Langston i'r Uchel Lys.

Cafodd y cais ei wneud ddydd Mercher, ac fe fydd yn cael ei ddelio ag yr un pryd a chais Langston, sy'n honni bod £5.75m yn ddyledus iddo.

Credir y bydd Caerdydd yn honni eu bod nhw wedi gorwario ar y ddyled.

Mae'r clwb wedi cael ei ddyfarnu i fod yn adnabod pwy oedd y gorfforaeth.

Mae Hamman yn cael ei weld gan nifer fel cynrychiolydd Langston, ond mae cadeirydd Caerdydd Mehmet Dalman wedi mynnu bod Hamman wedi dweud wrth y clwb nad oedd yn gynrychiolydd y credydwyr.

Mae'r clwb eisiau cael gwared â Hammam o'i safle fel arlywydd am oes. Safle y cafodd ei benodi iddo fel rhan o sefydlogi dyled o £24m gafodd ei wneud tra oedd Hammam yn berchennog.