Gleision 23-31 Gweilch

Gleision v Gweilch Image copyright Huw Evans picture agency

Wedi llai na 10 munud aeth y Gleision ar y blaen diolch i gic gosb lwyddiannus gan Gareth Anscombe.

O fewn munudau roedd Anscombe wedi ychwanegu tri phwynt arall i gyfanswm y Gleision, cyn iddo wneud yr un peth wedi bron i hanner awr o chwarae.

Cyn diwedd yr hanner sgoriodd Dan Evans gais i'r Gweilch, a llwyddodd Dan Biggar gyda'r trosiad.

Cychwynnodd yr ail hanner yn union yr un modd gwnaeth y cyntaf ddod i ben, gyda chais i'r Gweilch, a Dan Biggar yn ychwanegu saith pwynt i'w cyfanswm.

Pum munud yn ddiweddarach llwyddodd Tom Grabham gyda thrydedd cais i'r Gweilch, a llwyddodd Biggar gyda'i drydydd trosiad.

O'r diwedd sgoriodd y Gleision eu cais cyntaf, diolch i Josh Navidi.

Ychwanegodd Biggar dri phwynt arall i fantais y Gweilch, cyn i Ben John sgorio eu pedwerydd cais.

Sgoriodd Dan Fish gais i'r Gleision ym munud olaf y gêm, ond nid oedd hynny'n ddigon i atal buddugoliaeth i'r Gweilch.