Cymro yn dychwelyd o Nepal wedi daeargryn

Mike Hopkins
Image caption Cafodd Mike Hopkins ei groesawu yn ôl gan ei wraig nos Wener

Mae dyn oedd yn dringo Everest pan darodd daeargryn difrifol yn Nepal fis diwethaf wedi dychwelyd adref i Gaerdydd.

Roedd Mike Hopkins, 56 oed, wedi gobeithio bod y Cymro hynaf i gyrraedd copa mynydd uchaf y byd.

Roedd wedi cyrraedd y gwersyll cyntaf ar y mynydd, rhyw 23,000 o droedfeddi uwchben y môr, pan darodd y daeargryn laddodd miloedd o bobl.

Llwyddodd Mr Hopkins i oroesi'r daeargryn, fesurodd 6.7 ar raddfa Richter, a chysylltu gyda'i wraig yn fuan wedyn.

Bu farw dros 2,300 o bobl yn Nepal, gan gynnwys 17 gafodd eu lladd ar waelod Everest.

Roedd Mr Hopkins yn rhan o grŵp o naw o ddringwyr a thywyswyr ar ochr ogleddol y mynydd.

Image copyright Sarah Hopkins
Image caption Roedd Mike Hopkins yn gobeithio bod y Cymro hynaf i ddringo Everest