Darganfod corff dyn 23 oed yn Nhalysarn yng Ngwynedd

Talysarn

Mae corff dyn wedi cael ei ddarganfod ym mhentref Talysarn yng Ngwynedd.

Yn ôl Heddlu Gogledd Cymru fe gafodd swyddogion eu galw i ardal Bro Silyn o'r pentref am 08:07 fore Sadwrn yn dilyn adroddiadau fod dyn yn sownd mewn twll draen.

Fe ddaeth yr heddlu o hyd i gorff dyn lleol 23 oed oedd yn sownd yn y draen.

Nid yw'r heddlu yn trin y digwyddiad fel un amheus ac mae'r crwner wedi ei hysbysu.