Criwiau yn ymladd tân mewn canolfan ailgylchu

Mae criwiau tân wedi treulio'r noson yn mynd i'r afael a thân mewn canolfan ailgylchu yn sir Ddinbych.

Fe gafodd Gwasanaeth Tân ac Achub Gogledd Cymru eu galw i dân ar ystâd ddiwydiannol Spencer yn Ninbych tua 21:00 nos Fercher.

Dywedodd y gwasanaeth tân eu bod wedi darganfod 75 o dwmpathau o ddeunydd ailgylchu ar dân ar ôl cyrraedd.

Bydd ymchwiliad i achos y tân yn cael ei gynnal yn ddiweddarach ar ddydd Iau.