Gwrthdrawiad A470: Dyn yn yr ysbyty mewn hofrennydd

Mae dyn wedi ei gludo i'r ysbyty mewn hofrennydd gydag anafiadau difrifol yn dilyn gwrthdrawiad ar yr A470.

Digwyddodd y gwrthdrawiad rhwng car a beic modur am 07:20 ddydd Iau ger Clatter ym Mhowys.

Dywedodd Gwasanaeth Ambiwlans Cymru bod dyn wedi ei gludo i'r ysbyty yn Stoke mewn hofrennydd.

Cafodd y ffordd ei gau rhwng y B4568 a Ffordd Dol-Llin yng Ngharno am gyfnod wedi'r ddamwain.