Cwmni celfi: Creu 220 o swyddi

Ikea
Image caption Mae cytundeb am bum mlynedd i gyflenwi Ikea

Mae cwmni celfi wedi creu 220 o swyddi ar ôl cael cytundeb i gyflenwi Ikea am bum mlynedd.

Westbridge Furniture Designs sy' wedi agor trydedd ffatri ar Lannau Dyfrdwy ac mae £488,000 oddi wrth Lywodraeth Cymru'n golygu 153 o swyddi erbyn diwedd y flwyddyn.

Ond dywedodd penaethiaid fod cyfanswm y swyddi'n uwch oherwydd y galw.

Erbyn hyn, mae 960 yn gweithio mewn ffatrïoedd ar Lannau Dyfrdwy ac yn Nhreffynnon.

Dywedodd y Gweinidog Economi Edwina Hart fod y cwmni'n "enghraifft wych" gan iddo gael ei sefydlu yn 2004.