Damwain Ffynnongroyw: Dyn wedi marw

Damwain Image copyright (C) British Broadcasting Corporation

Mae casglwr sbwriel wedi marw ar ôl damwain yn Ffynnongroyw yn Sir y Fflint ddydd Llun.

Cafodd Andrew Green, 39 oed o Fwcle, ei hedfan mewn ambiwlans awyr i Ysbyty Prifysgol Brenhinol Stoke.

Roedd bws wedi ei daro a chafodd y gwasanaethau brys eu galw am 08:35. Chafodd neb arall ei anafu.

Mae'r heddlu a'r Gweithgor Iechyd a Diogelwch yn ymchwilio i achos y ddamwain.

Dylai unrhyw un â gwybodaeth ffonio'r heddlu ar 101.