Marwolaeth Dinbych y Pysgod: Enwi dynes fu farw

Tenby's North Beach Image copyright Tony Smiles
Image caption Fe gafodd corff Maryam Cooke ei ddarganfod yn y môr ger Traeth y Gogledd, Dinbych y Pysgod

Mae'r heddlu wedi cyhoeddi enw dynes gafodd ei darganfod yn farw yn y môr oddi ar arfordir Sir Benfro.

Roedd Maryam Cooke, 63 oed, yn ymweld ag ardal Dinbych y Pysgod o Newcastle.

Fe gafodd y gwasanaethau brys eu galw i Draeth y Gogledd fore Llun.

Dywedodd yr heddlu fod y farwolaeth heb esboniad ar hyn o bryd a'u bod am siarad gydag unrhyw un â gwybodaeth.

Cafodd y crwner ei hysbysu.