Gyrfa newydd fel diaconiaid

Sandra Birdsall, Jonathon Wright, James Griffiths, Rhian Linecar, Terry Cox and Kent Middleton Image copyright Church in Wales
Image caption Sandra Birdsall, Jonathon Wright, James Griffiths, Rhian Linecar, Terry Cox a Kent Middleton

Mae gweithiwr genetig, cyn swyddog gyda'r llynges a bargyfreithiwr ymhlith y rhai fydd yn dechrau gyrfa newydd o fewn yr Eglwys yng Nghymru.

Fe fydd Sandra Birdsall, Jonathon Wright, James Griffiths, Rhian Linecar, Terry Cox a Kent Middleton yn cael eu hordeinio yn ddiaconiaid gan Archesgob Cymru, Dr Barry Morgan yn Eglwys Gadeiriol Llandaf ddydd Sadwrn.

Byddant y gwasanaethu eglwysi yng Nghaerdydd a Phenarth.

Dywedodd Rhian Linecar, cyn weithiwr i'r mudiad Cytun, ei bod wedi bod yn edrych ymlaen i'r ordeinio am nifer o flynyddoedd.

"Rwyf wedi cyffroi ac yn teimlo anrhydedd. Rwy'n edrych ymlaen at ddefnyddio fy mhrofiad o fywyd i ddod a Christ i fywydau pobl."

Yn ystod y gwasanaeth dydd Sadwrn fe fydd tri o ddiaconiaid, y Parchedig Rhun Ap Robert, y Parchedig Tom Bates a'r Parchedig Pauline Smith, yn cael eu hordeinio'n offeiriaid.