Cau tafarn ar ôl gwerthu alcohol i 35 o bobl dan oed

Vanilla Bar Image copyright Google
Image caption Bydd y cyngor yn penderfynu a fydd Vanilla Bar yn colli ei drwydded yn barhaol

Gall tafarn yn ne Cymru orfod cau ar ôl cael eu dal yn gwerthu alcohol i 35 o bobl dan oed ar un noson.

Hefyd, daeth yr heddlu o hyd i 17 bag o bowdwr gwyn, yn ogystal â bloc o bowdwr gwyn, steroidau a chyfarpar yn ymwneud a chyffuriau yn Vanilla Bar yn y Coed Duon.

Aeth yr heddlu i'r dafarn ar 20 Gorffennaf, ac o ganlyniad mae'r dafarn wedi cael gorchymyn i gau am dri mis.

Fe fydd y cyngor hefyd yn ystyried os ddylai'r dafarn golli ei thrwydded yn barhaol.

Mae ymchwiliad i'r cyffuriau gafodd eu darganfod yn parhau.