Chelsea 2-2 Abertawe

Chelsea v Swansea City Image copyright Getty Images
Image caption Sgoriodd Abertawe eu pwynt cynghrair cyntaf yn Stamford Bridge ers 1980

Chelsea 2-2 Abertawe

Mae'n debyg na fyddai Garry Monk wedi dewis taith i wynebu'r pencampwyr fel y gêm ddelfrydol i ddechrau tymor newydd.

Ond yn hytrach na bod yn hapus gyda gêm gyfartal efallai y bydd e'n siomedig na lwyddodd ei dîm i fanteisio'n llawn ar y dyn ychwanegol oedd gan Abertawe am dros hanner awr wedi cerdyn coch Courtois.

Gwnaeth cic rydd Oscar roi Chelsea ar y blaen cyn i Andre Ayew gael gôl i Abertawe.

Rhoddodd Federico Fernandez groesiad Willian heibio'i golwr ei hun cyn i Courtois gael ei hel o'r cae am lorio Gomis.

Daeth Asmir Begovic i'r cae ond methodd e rwystro cic Gomis o'r smotyn.

Er y dyn ychwanegol wnaeth Abertawe ddim sgorio eto.

Rhwydodd Gomis, ond roedd e'n cam-sefyll, ac fe wnaeth Jefferson Montero orfodi arbediad gwych gan Begovic.